வேங்கையாக உழைக்கும் தனுஷ்

துள்ளுவதோ இளமை படத்தின் மூலம் தமிழ் திரைக்கு அறிமுகமாகி தனது கடின உழைப்பால் பல வெற்றி படங்களை கொடுத்தவர் தனுஷ்.

படபிடிப்பில் தொடர்ந்து ஓய்வில்லாமல் உழைத்து கொண்டு இருக்கும் தனுஷ், "வேங்கை" படத்தை முடித்த கையோடு தனது அண்ணன் செல்வராகவன் இயக்கும் "இரண்டாம் உலகம்" படத்தில் நடிக்க தொடங்கிவிட்டார். உத்தமபுத்திரன் படத்தில் தொடங்கி தொடர்ந்து ஆடுகளம், சீடன், மாப்பிள்ளை என்று வரிசையாக படங்களை கொடுத்து கொண்டே இருக்கும் தனுஷ், அடுத்து ஹரி இயக்கத்தில் "வேங்கை" என்ற படத்தில் நடித்து வந்தார். சில தினங்களுக்கு முன்னர் தான் மலேசியாவில் நடந்த படபிடிப்புடன் இப்படம் முடிவடைந்தது. அதிரடி கலந்து இயல்பான படமாக உருவாகியிருக்கும் வேங்கை படத்தில் தனுஷிற்க்கு ஜோடியாக தமன்னா நடித்து இருக்கிறார். விரைவில் இப்படம் திரைக்கு வர இருக்கிறது.