சல்மானின் கட்டிப்பிடி வைத்தியம் : தேவிஸ்ரீ பிரசாத் பூரிப்பு

தேவிஸ்ரீ பிரசாத்தின் இசையில் தெலுங்கில் ஹிட்டான 'ரிங்கா… ரிங்கா…' பாடல், இப்போது இந்தியில் ஒலிக்கப்போகிறது. சல்மான் கான், அசின் நடித்து வரும் 'ரெடி' படத்துக்காக. சமீபத்தில் இந்த பாடலை கேட்ட சல்மான், இதன் மெட்டிலும் இசையிலும் மயங்கிப்போனாராம். உடனே இப்பாடலின் உரிமையை வாங்க தயாரிப்பாளருக்கு உத்தரவு போட்டிருக்கிறார் சல்மான். சமீபத்தில் 'ரெடி' படத்தின் விழா மும்பையில் நடந்தபோது, அதில் தேவிஸ்ரீ பிரசாத்தும் கலந்துகொண்டார்.  இது பற்றி அவர் கூறும்போது, “விழாவில் என்னை பார்த்ததும் சல்மான் கான் ஓடிவந்து, கட்டியணைத்தார். அவரது அன்பை கண்டு நெகிழ்ந்து போனேன். “சூப்பரா பாட்டு போட்டிருக்கே. இத்தனை நாள் எங்கிருந்தே? உன்னை இந்தி சினிமா பயன்படுத்திக்கணும்” என சல்மான் சொன்னது எனக்கு பெருமையா இருந்தது” என்றார்.