அனுஷ்கா – நாக சைதன்யா நிச்சயதார்த்தம்… அதிர்ச்சியில் கோடம்பாக்கம்!!

நம்புவதா வேண்டாமா என குழப்பத்திலும் பரபரப்பிலும் திணறிக் கொண்டிருக்கிறது கோடம்பாக்கம். காரணம்… தென்னிந்தியாவை தனது இடுப்பு மடிப்பில் சுருட்டி வைத்திருக்கும் கவர்ச்சி நாயகி அனுஷ்கா ரகசியமாக திருமண நிச்சயதார்த்தம் செய்து கொண்டார் என்ற செய்’தீ’தான்!

இவரைக் கல்யாணம் முடிக்கவிருப்பவர் அக்கட பூமியின் காதல் மன்னனான நாகார்ஜூனாவின் மகன் நாக சைதன்யாவை!!

நாக சைதன்யா, நாகார்ஜூனா மற்றும் அவரது முதல் மனைவி லட்சுமி ஆகியோருக்குப் பிறந்தவராவார். அமலா, நாகார்ஜூனாவின் 2வது மனைவி.

காதும் காதும் வைத்தமாதிரி, ஆனால் நாகார்ஜூன் – அமலா முன்னிலையில் நடந்துள்ளது இந்தத் நிச்சயதார்த்தம்.

மிக மிக ரகசியமாக வைக்கப்பட்டிருக்கும் இந்த செய்தியை கோலிவுட்டின் பிரபல இளம் ஹீரோதான் டமாரம் அடித்து பறைசாற்றி வருகிறாராம். இவர் அம்மணியுடன் சமீபத்தில் ஆட்டம் போட்டவர் என்பது குறிப்பிடத்தக்கது.

நடிகை அமலா, ரஜினியுடன் தொடர்ந்து நடித்து டாப் கியரில் போய்க் கொண்டிருந்த போதுதான், திடுதிப்பென்று நாகார்ஜூனாவை திருமணம் செய்து ஷாக் கொடுத்தார்.

தற்போது தனது தந்தை பாணியில் முன்னணி நடிகை ஒருவரை கரம் பிடிக்கிறார் நாக சைதன்யா

திருமணத்தையாவது வெளியில் சொல்வார்களா?

எதைப்பற்றியும் கவலைப்பட வேண்டாம்… உடம்பை பாத்துக்கங்க! – கருணாநிதியிடம் போனில் பேசிய ரஜினி

மருத்துவமனையிலிருந்து டிஸ்சார்ஜ் ஆன ரஜினி நேற்று இரவு திமுக தலைவர் கருணாநிதியுடன் தொலைபேசியில் பேசினார். தான் பூரண நலமடைந்துவிட்டதாக தெரிவித்த அவருக்கு, கருணாநிதி தனது வாழ்த்துக்களைத் தெரிவித்தார்.

சிங்கப்பூரில் சிகிச்சை பெற்று வந்த நடிகர் ரஜினிகாந்த் நேற்று சிகிச்சை முடிந்து வீட்டுக்கு வந்தார். மேலும் சில வழக்கமான சோதனைகள் இருப்பதால் சிங்கப்பூரிலேயே வாடகைக்கு வீடு எடுத்து தங்கியுள்ளார்.

இந்நிலையில் நேற்று முதல்வர் ஜெயலலிதாவை தொலைபேசியில் தொடர்பு கொண்டு தனது உடல்நிலை குறித்து தகவல் தெரிவித்தார்.அப்போது தமிழகம் காப்பாற்றப்பட்டமைக்காக நன்றி தெரிவிப்பதாக கூறினார்.

அடுத்து திமுக தலைவர் கருணாநிதியுடன் நடிகர் ரஜினிகாந்த் தொலைபேசியில் பேசினார். தமது உடல் நலம் குறித்தும் அளிக்கப்பட்ட சிகிச்சைகள் குறித்தும் கலைஞரிடம் தொலைபேசியில் ரஜினிகாந்த் விவரித்தார்.

உடல்நலம் தேறி ரஜினி விரைவில் சென்னை திரும்ப மனமாற வாழ்த்துவதாகவும், மீண்டும் பழைய வேகத்துடன் படங்களில் நடிக்க வேண்டும் என விரும்புவதாகவும் கருணாநிதி வாழ்த்தினார்.

அவருக்கு பதிலளித்த ரஜினி, “வாழ்க்கையில் நீங்கள் பார்க்காத ஏற்றத்தாழ்வுகள் இல்லை. எதைப்பற்றியும் கவலைப்படாமல், உடல் நிலையைப் பார்த்துக் கொள்ளுங்கள். அதுதான் முக்கியம்,” என்றார் ரஜினி.

மங்காத்தா – புதிய சர்ச்சை

வெங்கட்பிரபுவின் சரோஜா படத்துக்கும் பேபல் படத்துக்கும் எந்த சம்பந்தமும் இல்லை. என்றாலும் பேபல் படத்தின் ஸ்கி‌‌ரீன்ப்ளேயின் பாதிப்பிலேயே சரோஜா திரைக்கதையை அமைத்ததாக படப்பிடிப்புக்கு கிளம்பும் முன்பே மீடியாவிடம் தெ‌ரிவித்தார்.அப்படிப்பட்டவ‌ரின் மங்காத்தா படம் இந்திப் படத்தின் தழுவல் என்று புதிய பூதத்தை கிளப்பிவிட்டிருக்கிறார்கள் சிலர்.

இந்தியில் இம்ரான் ஹஸ்மி நடித்த ஜான்னெட் படத்தின் கதை மேட்ச் பிக்சிங்கை மையப்படுத்தியது. மங்காத்தாவின் கதையும் மேட்ச் பிக்சிங்கை மையப்படுத்தியதே. இதன் காரணமாகவே மங்காத்தா இந்திப் படத்தின் தழுவல் என்று பேசி வருகிறார்கள் சிலர்.

ஆனால் இதனை படத்தின் தயா‌ரிப்பாளர் தயாநிதி அழகி‌ரி மறுத்துள்ளார். இரண்டு படங்களுக்கும் எந்த சம்பந்தமும் இல்லை என்று கூறியிருப்பவர், படம் வெளிவந்தால் ரசிகர்களுக்கே இது தெ‌ரிந்துவிடும் என்று சர்ச்சைக்கு முற்றுப் புள்ளி வைத்துள்ளார்.

ராணா – உண்மை நிலவரம்

ராணா கைவிடப்படவில்லை ஆகஸ்டில் படப்பிடிப்பு என்று கே.எ‌ஸ்.ரவிக்குமாரும், செப்டம்ப‌ரில் படப்பிடிப்பு என படத்தின் இணை தயா‌ரிப்பாளர் முரளி மனோகரும் நம்பிக்கை அளித்தாலும் உண்மை வேறாக இருக்கிறது.

ர‌ஜினியின் உடல்நிலை வேகமாக தேறி வருகிறது. இருந்தாலும் அவர் சிறிது காலம் முழு ஓய்வு எடுக்க வேண்டும் என மருத்துவர்கள் கறாராக கூறியுள்ளனர். முக்கியமாக சண்டைக் காட்சிகளில் ரோப் கட்டி தொங்குவது கூடவே கூடாது. ச‌ரித்திரப் படமான ராணாவுக்கு ர‌ஜினி கடும் உழைப்பை தந்தாக வேண்டும். இப்போதைய சூழலில் அது சாத்தியமே இல்லை.

ஒரு வருட ஓய்வுக்குப் பிறகே ர‌ஜினியால் கடுமையான படப்பிடிப்பை தாங்க முடியுமா என்பதை கூறவே முடியும். இதனால் ராணா படத்திற்காக ஒப்பந்தம் செய்தவர்களை, ஒரு வருடத்துக்கு எந்த வேலையும் இல்லை, வேறு படங்கள் இருந்தால் அதனை கவனித்துக் கொள்ளலாம் என அனுமதி அளித்திருக்கிறார்கள்.

ஆக, இப்போதைக்கு ர‌ஜினி படம் எதையும் ரசிகர்கள் எதிர்பார்க்க முடியாது என்பதே உண்மை.

டைரக்டர் பாலாவால் பிச்சைக்காரன் ஆன ‌தொழிலதிபர்!

ஹோட்டல், பார், பப், விஐபி கிளப் என பல தொழில்களில் சிறந்து விளங்கும் பிரபல தொழிலதிபரும் நடிகருமான ஆர்.கே.வை, பிச்சைக்காரன் ‌ரேஞ்சுக்கு வேடமிட்டு நடிக்க வைத்திருக்கிறார் டைரக்டர் பாலா.

சென்னையில் நிருபர்களை சந்தித்த நடிகர் ஆர்.கே., அவன் இவன் படத்தில் தான் ஏற்றிருக்கும் வேடம் இதுதான் என்று கூறி சில ஸ்டில்களை ‌வெளியிட்டார். வழக்கமான பாலா படத்தில் இருக்கும் அதே கோர முகம், புழுதி படர்ந்த தலைமுடி; தாடி என அக்மார்க் பிச்சைக்காரன் போன்ற தோற்றம் அது.

பாலா படத்தில் ஒரு காட்சியிலாவது நடிச்சா போதும், என்கிற கோரிக்கையுடன் பாலா அலுவலகத்தில் ஏராளமான நட்சத்திரங்கள் காத்துக்கிடக்கின்றனர். நான் கடவுள் படம் உருவானபோதே வாய்ப்பு கேட்டு நடையாய் நடந்தவர் ஆர்.கே.. பெரிய தொழிலதிபராக இருந்தாலும் அதற்காகவெல்லாம் நடிக்க வைப்பவரல்ல பாலா. எனவே பணபலத்தை ஒதுக்கி விட்டு ஒரு புதுமுகம் போலவே பாலாவிடம் வாய்ப்பு கேட்டார் ஆர்.கே.. அப்போது வாய்ப்பு கிடைக்காவிட்டாலும், அவன் இவனில் வில்லன் கேரக்டர் கிடைத்திருக்கிறது ஆர்.கே.வுக்கு.

இதுபற்றி பெருமையுடன் கூறிய ஆர்.கே, நான் கடவுள் படத்தில் நடிக்க வேண்டியது. அது ரொம்ப கொடூரமான கேரக்டர்; வெயிட் பண்ணு என்று பாலா சார் சொன்னார். அவன் இவன் பட நேரத்தில் என்னை அழைத்தவர் இந்த காஸ்ட்யூம் மற்றும் தாடி கெட்டப்பை போடச் சொல்லி சுமார் ஒரு மாதம் படப்பிடிப்பு நடக்கும் ஏரியாவில் நடமாட வைத்தார். அப்படியே நான் ஓடிப் போய் விடுவேன் என்று நினைத்திருக்கலாம். ஆனால் நான் பிடிவாதமாக இருந்ததால் அப்புறம்தான் நடிக்க வைத்தார். சண்டை காட்சியில் ஒரு பள்ளம் பறித்து மெத்தையை போட்டு அதன் மேல் மணலை கொட்டி ஃபைட் செய்தோம். நான் கீழே விழும்போது மெத்தை அதிருமல்லவா? அது செயற்கையாக இருப்பதாக கருதிய பாலா மெத்தையை எடுங்க என்று கூறிவிட்டார். அப்புறம் என்ன? பெண்டு நிமிர்ந்துவிட்டது, என்றார்.

Vengai MP3

Vengai - Devi Sri Prasad Vengai Tamil Movie, Vengai Songs Free Download Music By Devi Sri Prasad - Vengai Featuring : Dhanush, Tamannaah, Rajkiran Production : Bharathi Reddy Starring : Dhanush, Tamannaah, Rajkiran Director : Hari Lyrics : Viveka & Hari

Dhenam Dhenam - VmusiQ.Com Download Add to Playlist Singer(s) : Benny Dayal, Rap Written & Sung by Baba Sehgal Kaalangathale-VmusiQ.Com Download Add to Playlist Singer(s) : Karthik Orey Oru - VmusiQ.Com Download Add to Playlist Singer(s) : Tippu & Harini Pudikale Pudikudhu - VmusiQ.Com Download Add to Playlist Singer(s) : Mukesh & Suchithra Yenna Solla Pore - VmusiQ.Com Download Add to Playlist Singer(s) : Devi Sri Prasad, Hook Phrase Vocals: M.L.R. Karthikeyan

சூர்யா ஜோடியாக காஜல்!

தம்பி கார்த்திக்கின் ஜோடியாக நான் மகான் அல்ல படத்தில் நடித்த காஜல் அகர்வால், இப்போது சூர்யாவின் புதிய ஜோடியாகியிருக்கிறார்.

'கோ' படத்துக்குப் பின் கே.வி.ஆனந்த் இயக்கும் படம் 'மாற்றான்'. இதில் சூர்யா கதாநாயகனாக நடிக்கிறார். ஏ.ஆர்.முருகதாஸ் இயக்கி வரும் 'ஏழாம் அறிவு' படத்துக்குப் பின் அவர் நடிக்கும் படம் இது.

சூர்யாவின் ஜோடியாக நடிக்க பல புதுமுகங்களை பரிசீலித்தார் கே.வி.ஆனந்த். அனுஷ்கா, தமன்னா, மேக்னா ராஜ், அமலாபால் என பலரிடமும் பேச்சு நடந்தது.

இறுதியில் காஜல் அகர்வாலுக்கு அந்த வாய்ப்பு சென்றுள்ளது.

பாலிவுட்டுக்கு சென்றுவிடும் முடிவில் இருந்த காஜலுக்கு இது நல்ல வாய்ப்பாகத் தெரிந்ததால், இப்போதைக்கு மும்பை செல்லும் முடிவை மாற்றிக் கொண்டுள்ளார்.

சமீபத்தில்தான் காஜலுக்கு கதை சொன்னார் இயக்குநர் ஆனந்த். கதையும் அதில் தனது பாத்திரமும் சிறப்பாக உள்ளதாக காஜல் திருப்தி வெளியிட்டுள்ளார்.